我最近經歷流感 Me in Flu 03/02/2024

這場流感真的是有生以來最嚴重最複雜的一次。

Acute cases are life or death issue. 急症既定義為非死即生既情況，需要盡快補救。

我決定將個案例寫出來，是因為這是一個非常特別的病情，自己"從未"遇過如此嚴重的,咁長時間及咁多病徵流感。而且都係一個極好例子睇到病人與Homeopath順勢療法醫生既合作，最終可以搵到適合既療劑。

Homeopathy is a healing art! 順勢療法係一個醫療藝術，除左對Homeoapth順勢療法醫生有嚴格

要求外，病人都要對自己有一定程度既認識，起碼要識得表達病徵。絕對同普通醫療唔同，大家要啲時間陪養信任先得！

事緣：

三星期前我趕功課，一次通頂；第二次通頂是懷著興奮的心情做了我人生中第一個網站，就係你地睇緊呢個。然後開始頸後皮膚痕，我知我抵抗力開始弱。但都沒有太在意。然後漸漸地開始牙痛，兩邊下邊的大牙輕微酸痛，我都仲以為自己蛀牙，開始加大刷牙注意程度，用牙線，一日刷多兩次牙。我原本用fluoride free 牙膏，都轉一轉返fluorid and gum protection 牙膏，得一日舒緩左。第二日又係一樣，而且越來越嚴重。

兩星期前開始感覺個人攰攰地，無咩力，又好涷，牙又痛，頸後痕又好似好左啲（其實當更重既病情發生左，較輕既病情就會稍退）。我都選擇左用Gelsemium, 狂飲水，休息左兩日，係真係瞓足兩日。

一個幾星期前右下方牙肉出現大量白色點狀潰瘍，牙肉腫同埋露出牙齒。第朝出現嚴重呑咽痛，是喉嚨痛的一種，但只係呑口水，飲水或食野時先會痛, 其他時候唔痛。已經飲左好多水 (任何咳，喉嚨不適時，首先飲比平時多三倍既水先，好多時只係唔夠水，身體產生既第一症狀就係喉嚨痛）同時補充大量維他C有些幫助。

29/01/24

但都未解決，到夜晚發燒伴隨太陽穴頭痛，前額，眼球，鼻竇痛，鼻竇痛扯去右邊面頰，鼻乾，無鼻水，只係好充塞，透氣又無問題。於是我向我個Homeopah 求救，經過半小時通話，佢了解左我既全部症狀，特別之處，最緊要了解症狀有咩情況下會好啲或差啲，佢叫我用Kali-Bi。用完馬上出汗，該晚是最痛苦的，成晚瞓唔到，輾轉反側，認真扒係度，轉左轉右，都唔舒服。

第日日間牙痛少左，四肢涷，肌肉痛特別係頸同膊好硬，頭痛，眼流眼水，鼻有鼻水，開始鼻塞，但喉嚨呑咽痛無左。我精神好好, 仲係間屋四圍行，繼續網頁工作，而且一啲都感覺唔到肚餓，唔使食野，但我不忘補水。我個Homeopath了解完佢叫我轉用Arsenicum, 因為我覺得涷，有水狀鼻水，同埋佢可能覺得我有不安，需要周圍行。呢啲係Arsenicum既特徵。

黃昏時候又開始發燒，我仍然覺得自己保暖好緊要，所以暖爐，暖氈開得高。但係一瞓低牙痛又返返來，頭痛有膊動。我仍然有用Arsenicum。大量出汗與發燒交替，又一晚不眠夜。

31/01/24

第朝起身無晒燒，無牙痛，精神爽利（雖然仍有不適，但使用順勢療法個人精神唔會太差），係開始有啲咳同有痰，呢啲係正常既排出，所以以為搞掂晒。我仍然報告我個Homeopath：（<加重/>減輕)

• < 瞓低加重；同時兩個枕頭好啲

• > 飲熱飲好啲

• > 行來行去最好

因為我出左去花園晒左陣太陽，享受左陣微風吹，係室外九度，著左三件冷衫，無著褸既情況，我覺得自己好返好多啦。我會繼續Arsenicum

然而話口未完，到黃昏5:00左右，又開始發燒，症狀同前晚一樣。今次我再細心觀察，原來我每晚5:00pm Radiator 暖管會著，室內溫度會高，而且當我開暖氈，一瞓低啲血充晒上腦，就會牙痛！

所以真正既症狀指標係：

• < 暖室；室內；近火爐加重

• > 室外；微風/新鮮空氣；走動；陽光減輕

1/02/24

我的一個同學表示，這種牙痛應該是流感炎症感染了鼻竇而且滲透了牙床。

所以我再次求救。這次有了明確的方案

• 發燒時牙痛

• < 過熱時加重

• < 躺下

Homeopathy幫我找了Kali-carb.

Kali-carb 的確解了我的發燒，及我自己都唔敢過熱，第一次發現原來自己病時雙手伸出被都好舒服，開個窗有微風吹過來好享受。

但係到瞓覺時間，未至於輾轉反側，但1,3,5,7,10am 醒，咩事？都未係瞓得好好，腦部restless 不能停下來，身體唔郁都有無限意念。

02/02/2024 再求救

• 發燒時牙痛

• < 過熱時加重

• Restless 不安，所以需要走圍走動

• Mind Restless 意念不停

更新療劑：Rhus-tox.

所以尋晚終於叫做瞓到覺好既，今朝起身有夢添，不過係一個焦慮既夢。搵啱療劑，兩日就好返啦！

最緊要搵到一隻與你既病徵最相似及覆蓋率最廣既療劑。

流感高峰期，大家多休息，飲水，晒下太陽（英國既朋友要補充維D+K2) 多做運動，多吃水果補充維他命C，有病用Homeopathy啦，無後遺症嘛。💚❣️